EducaTeatro Producións®

EducaTeatro Producións está formado por un nutrido grupo de profesionais das artes escénicas e musicais co asesoramento de mestres e pedagogos de contrastada experiencia no eido da educación.

A música, a palabra e a diversión son os tres piares fundamentais dos nosos traballos, especializados no teatro infantil e xuvenil, cos que queremos fomentar a educación en valores e presentar, dun xeito lúdico, a aprendizaxe das materias do currículo escolar.

Ademais, e grazas ao asesoramento de especialistas relacionados coa promoción das linguas, as nosas obras serven para dinamizar o uso e o ensino das linguas ambientais e non ambientais, polo que sempre contamos con versión íntegra dos espectáculos en galego, castelán e inglés.